arratsaldeko 19:30ean

Bidebarrieta Kulturguneak Poloniako LutosŁawski laukote ospetsuaren Kontzertua jasoko du datorren asteartean

Ezin izango da inor sartu kontzertua hasi ondoren

Bilboko Udaleko Kultura Sailaren esku dagoen Bidebarrieta Kulturguneak, Poloniako LutosŁawski hari laukote ospetsuaren kontzertua jasoko du datorren asteartean, apirilaren 25ean, arratsaldeko 19:30etik aurrera.

d.d. - Viernes, 21 de Abril de 2017 - Actualizado a las 10:54h.

BILBO. Madrilen dagoen Poloniako Kultura Institutuaren laguntzarekin antolatutako jardunaldia arratsaldeko 19:30ean hasiko da Bidebarrietako Liburutegiko ekitaldien aretoan, sarrera librearekin. Ezin izango da inor sartu kontzertua hasi ondoren.

LutosŁawski Laukotea Poloniako laukote gazte azpimarragarrienetakoa da. 2007an sortu zenetik, oso azkar finkatu da Poloniako zein nazioarteko musika eszena klasikoan, eta jaialdi garrantzitsu askotan hartu du parte: “Varsoviako Udazkena”, Wratislawa Cantans, Bruselako Klarafestival, Turkian egiten den Ankarako Musika Jaialdian, Hong Kong Arts Festival, Hego Korean Tongyeyong-eko Nazioarteko Musika Jaialdia, World Music Days eta Jazztopad jaialdietan, besteak beste.

Horrez gain, LutosŁawski Laukotea oso auditorio ospetsuetan aritu da, Tokioko Kioi aretoan, Singapurrreko YST Kontserbatorioan, Hangzhouko Hangzhou Antzokian, Beijingen dagoen Hiri Debekatuko auditorioan edo Berlingo Konzerthaus-ean. Laukotea Pariseko Pompidou Zentroko IRCAMekin ere lankidetzan aritu da.